"მმართველი ძალა წყალს წაუღია, ხელისუფლების ეს ნაბიჯები სტრატეგიულ ინტერესებს აზიანებს"

"მმართველი ძალა წყალს წაუღია, ხელისუფლების ეს ნაბიჯები სტრატეგიულ ინტერესებს აზიანებს" - ქარდავა "კაბელების საქმეზე"

პოლიტიკა - 16:14, 21 May, 2016

1765

"ეროვნულ-დემოკრატიული პარტიის" ლიდერმა ბაჩუკი ქარდავამ, რომელიც ე.წ კაბელების საქმესთან დაკავშირებით მიმდინარე საპროტესტო აქციაზე იმყოფებოდა, განაცხადა, რომ ხელისუფლება სამწუხაროდ სასამართლოს საკუთარი პოლიტიკური ინტერესებისთვის იყნებეს და ფეხქვეშ თელავს იმ სამხედროების უფლებებს, რომლებიც სრულიად უსამართლოდ არიან დაპატიმრებული.

„ქვეყანაში არსებული მდგომარეობა და კერძოდ ის, რაც დღეს აქ, პროკურატურასთან ხდება, კიდევ ერთი დასტურია იმისა, რომ სასამართლო, მმართველი ძალის ხელში, არის მანიპულაციის საშუალება. ხელისუფლება, ისევე როგორც ყველა სხვა ხელისუფლებები, სასამართლოს იყნებეს თავისი პოლიტიკური ინტერესებისთვის. მეორეა ის ადამიანები, რომლებიც დღეს სრულიად უსამართლოდ იმყოფებიან ციხეში და ის, რომ ირღვევა მათი უფლებები.

გარდა ამისა, მე ერთ მნიშვნელოვან საკითხზე მინდა მივაპყრო საზოგადოების ყურადღება. დღეს ციხეში იმყოფებიან ქართველი სამხედროები, სამხედრო უწყების წარმომადგენლები, რომელთა დაკავება მოხდა სწორედ მაშინ, როდესაც საფრანგეთში წყდებოდა საქართველოს თავდაცვისუნარიანობასთან დაკავშირებული ძალიან მნიშვნელოვანი საკითხები. მე არ ვიცი რატომ ემთხვევა ყოველთვის ასე, რომ სამხედროებს ჩვენივე ხელისუფლება აპატიმრებს, და ხშირ შემთხვევაში ეს რუსეთის საამებელ სახეს იღებს.

ყოველივე ეს, ერთის მხრივ, ხელს უშლის ჩვენი ქვეყნის დასავლური დემოკრატიული კუთხით განვითარებას და მეორე მხრივ, ნამდვილად კარგ პერსპექტივას არ უქადის ხელისუფლებას. მმართველი ძალა წყალს წაუღია, სტრატეგიული ინტერესები მაშინებს, რომელსაც ფეხქვეშ თელავს ჩვენი ხელისუფლება სწორედ ასეთი ნაბიჯების გადადგმით“- აღნიშნა ქარდავამ.