"რუსთავი2" პრეზიდენტთან შეხვედრას ითხოვს- ნიკა გვარამიას განცხადება

პოლიტიკა - 21:33, 20 May, 2016

3443

„რუსთავი 2“-ის წარმომადგენლები პრეზიდენტან შეხვედრას ითხოვენ. ტელეკომპანიის გენერლური დირექტორის განცხადებით, მათ სურთ პრეზიდენტი საქმის კურსში ჩააყენონ თუ რა ხდება „რუსთავი2“-ის საქმის გარშემო და რა მხრივ უკავშირდება ეს საკითხი საკონსტიტუციო სასამართლოს შესახებ კანონის შემჭიდროვებულ ვადებში მიღებას.

„გვინდა საქართველოს პრეზიდენტი ჩავაყენოთ საქმის კურსში იმასთან დაკავშირებით თუ რა ინფორმაციები გვაქვს ჩვენ და ეს ინფორმაციები არის საკმაოდ მძიმე. გვაქვს ძალიან მნიშვნელოვანი ინფორმაციები და ძალიან მოხარულები ვიქნებით და ვფიქრობთ რომ აუცილებელია ჩვენი კონსტიტუციური უფლებების გარანტმა- საქართველოს პრეზიდენტმა მოგვისმინოს. ჩვენ გვაქვს ძალიან ბევრი სათქმელი მისთვის, თუ როგორ მიმდინარეობს პროცესები დღეს „რუსთავი2“-ის თავს. რას გვთავაზობს ქართული მართლმსაჯულების სისტემა და აქედანვე მინდა საქართველოს პრეზიდენტს ვუთხრა, რომ არაფერს კარგს ეს სისტემა არ გვთავაზობს და არის დანამატი მთავრობის და პარლამენტის, ანუ პოლიტიკური ხელისუფლების. ის რაც საკონსტიტუციო სასამართლოსთან დაკავშირებით დღეს მიმდინარეობს, ეს არის პირდაპირი შურისძიება „რუსთავი2“-ის საქმის გამო. ზუსტად იმის გამო რომ ჩვენ უზენაესი სასამართლოს კოლეგიას არ მივეცით საშუალება, რომ საქმე ფორსირებულ ტემპებში განეხილა, ამის გამო ფორსირებულ ტემპებში ხდება საკონსტიტუციო სასამართლოზე ზეწოლა პარლამენტის მხრიდან, იმიტომ რომ თუ საკონსტიტუციო სასამართლომ გააუქმა ის ნორმები, რომელიც ურთმელიძემ გამოიყენა, ეს დავალების შემსრულებელი კოლეგიაც კი იძულებული იქნება წინასასამართლო გადაწყვეტილება გააუქმოს. ამიტომაც ყველაფერი კეთდება, რომ ეს არ მოხდეს.“- განაცხადა ნიკა გვარამიამ.