ადამიანის უფლებათა დაცვის კომიტეტზე დღეს შინაგან საქმეთა სამინისტროს წარმომადგენელს მოუსმენენ. საუბარი შეეხება შინაგან საქმეთა სამინისტროს მხრიდან სახალხო დამცველის რეკომენდაციების შესრულებას. ეკა ბესელიას განცხადებით, რეკომენდაციების ნაწილი სამინისტროს მხრიდან გათვალისწინებულია. გარკვეულ ნაწილთან დაკავშირებით კი კითხვები არსებობს:

“იყო რეკომენდაციები რომელზეც ჰქონდათ უწყებებს შემხვედრი არგუმენტები. არის რეკომენდაციები, რომელიც არის ჯერ კიდევ პასუხგასაცემი. რაც შეეხება რუსთავი2-თან დაკავშირებულ შეფასებას ომბუდსმენის მხრიდან, ის ამბობს და ეხება სასამართლოს მხრიდან მიღებულ გადაწყვეტილებას რუსთავი 2-ის საქმესთან დაკავშირებით. სასამართლო გადაწყვეტილება არსი სწორი თუ არა, ამას კონსტიტუციით ასწორებს ზემდგომი სასამართლო,“ - განაცხადა ბესელიამ.

სახალხო დამცველსა და მის ინსტიტუტთან დაკავშრებით კომენტარს თამაზ მეჭიაურიც აკეთებეს და უჩა ნანუაშვილს „შაიკას“ უწოდებს:

„ეგ ისევეა სახალხო დამცველი როგორც მე ვარ ჩინეთის იმპერატორი. რისი სახალხო დამცველია, ეგ არის ერთი ვიწრო წრის ინტერესების მატარებელი და მეტი არაფერი. დღესაც დაკავებულია იგივეთი, ერთი შაიკაა ეგ. მეც მხარი დავუჭირე სამწუხაროდ და ვაღიარე. რა ვქნა ახლა თავი, რომ მოვიკლა ეშველება, თორემ შეიძლება ეგეც გამეკეთებინა,“ - განაცხადა მეჭიაურმა.