საქართველოს პრეზიდენტი, გიორგი მარგველაშვილი სტუდენტებს შეხვდა. შეხვედრა კითხვა-პასუხის რეჟიმში გაგრძელდა. პრეზიდენტმა აღნიშნა, რომ საქართველოს აქვს სტრატეგიული თმენის პოლიტიკა:

„ძალიან მძიმეა, როდესაც შენს ტერიტორიაზე, შუა სოფელში ატარებენ აბსოლუტურად აბსურდულ, არაფრისმთქმელ ბადეებს, როდესაც იზღუდება რაოდენობა გადასასვლელებისა და გამშვები პუნქტების. თუმცა, ემოციას აყოლა არფერს მოგვიტანს და ეს ჩვენ ყველამ ვიცით. ჩვენს პარტნიორებთან შეთანხმებული გზა არის შემდეგში, ჩვენ ვავითარებთ საქართველოს, უფრო ევროპულს, ევროატლანტიკურს ვხდით, გვაქვს სტრატეგიული თმენის პოლიტიკა და ამის მიზანი არის საბოლოოდ რუსეთის მიყვანა რაციონალურ დიალოგამდე,“ - აღნიშნა გიორგი მარგველაშვილმა.