საქართველოს პრეზიდენტი გიორგი მარგველაშვილი რუსი ოკუპანტის მიერ ქართველი მამაკაცის მკვლელობის ფაქტს ეხმაურება და გარდაცვლილის ოჯახს უსამძიმრებს:

„გუშინ ხურჩაში გარდაიცვალა ქართველი მამაკაცი, ეს ნიშნავს იმას, რომ კიდევ ერთი ქართველი შეეწირა საოკუპაციო რეჟიმს. ჩვენმა შესაბამისმა უწყებებმა საგარეო საქმეთა სამინისტრომ და სხვა უწყებებმა უკვე მოახდინეს ამ საკითხზე რეაგირება და საერთაშორისო ორგანიზაციები ჩაყენებულნი არიან საქმის კურსში. პირველ რიგში მინდა მივუსამძიმრო გარდაცვლილის ოჯახს, ეს ის რეალობაა, რომელიც აუცილებლად დაიძლევა“, - განაცხადა გიორგი მარგველაშვილმა.