პარტია „თავისუფალი დემოკრატების“ ერთერთი ლიდერი ზურაბ აბაშიძე, ხურჩაში ადმინისტრაციულ საზღვართან მომხდარი მკვლელობის შესახებ, სუს-ის მიერ გაკეთებულ განცხადებას, რომელშიც უწყება შეშფოთებას გამოთქვამს, არაადეკვატურს უწოდებს.

როგორც აბაშიძემ „ნიუპოსტს“ განუცხდა, სუს-ი შეშფოთებას კი არ უნდა გამოთქვამდეს, არამედ პრევენციულ ზომებს ატარებდეს, მსგავსი სისასტიკის თავიდან ასაცილებლად.

„უფრო მეტი სამუშაოა საჭირო, ვიდრე შეშფოთების გამოთქმა და მკვლელობის დაგმობა. როგორც ხელისუფლება, ისევე სუს-ი მაქსიმალურად უნდა მუშაობდეს პრევენციული ზომების გატარებაზე იმასთან დაკავშირებით, რომ გუშინ, ე.წ. საზღვართან მომხდარი სისასტიკე აღარ განმეროდეს. ხელისუფლებისგან მეტი სამუშაოების ჩატარებაა საჭირო, როგორც ქვეყნის შიგნით, ასევე მის ფარგლებს გარეთ“ - განაცხადა აბაშიძემ.

გუშინ, 19 მაისს, რუსმა ოკუპანტებმა ოკუპირებული აფხაზეთის ტერიტორიაზე, კერძოდ ნაბაკევში 31 წლის გიგლა ოთხოზორიას ცეცხლი გაუხსნეს, რის შედეგადაც მამაკაცი სიცოცხლისთვის შეუთავზებელი ჭრილობების გამო გარდაიცვალა.

აღნიშნულ ფაქტს განცხადებით გამოეხმაურა საქართველოს სახელმწიფო უსაფრთხოების სამსახური. განცხადება გაკეთდა საგარე საქმეთა სამინისტროშიც. ჯანელიძის უწყების განმარტებით, მომხდარზე სრულად ინფორმირებული იქნება საერთაშორისო თანამეგობრობა, მომხდარზე პასუხისმგებლობა კი რუსეთის საოკუპაციო რეჟიმმა უნდა აიღოს.