ხურჩა-ნაბაკევის ადმინისტრაციულ საზღვართან რუსი ოკუპანტის მიერ ქართველი მამაკაცის მოკლვლის ფაქტს სახელმწიფო უსაფრთხოების სამსახური ეხმაურება. სუს-ის განმარტებით, უწყება მომხდარ ფაქტს გმობს.

სახელმწიფო უსაფრთხოების სამსახურის განცხადებით19 მაისს დაახლოებით 14:30 საათზე ზუგდიდის რაიონის სოფელ ხურჩაში, საოკუპაციო ხაზის მიმდებარედ, ოთხმა შეიარაღებულმა პირმა, ცეცხლსასროლი იარაღით სასიკვდილოდ დაჭრა გალის რაიონის სოფელ ბარღების მკვიდრი გიგა ოთხოზორია. ინციდენტის შედეგად დაზარალებული მუცლის არეში მიყენებული მრავლობითი ჭრილობებით სასწრაფო სამედიცინო დახმარების ჯგუფის მიერ გადაყვანილ იქნა ზუგდიდის ჰოსპიტალში, სადაც მოგვიანებით გარდაიცვალა. სახელმწიფო უსაფრთხოების სამსახურის განმარტებით აღნიშნულის თაობაზე ინფორმაცია მიეწოდა ევროკავშირის სადამკვირვებლო მისიას.