მკვლელობა ე.წ ოკუპაციის ხაზზე

მკვლელობა ე.წ ოკუპაციის ხაზზე - ახალი დეტალები

პოლიტიკა - 17:10, 19 May, 2016

3102

"ნიუპოსტისთვის" აფხაზეთის ე.წ ოკუპაციის ხაზზე, ხურჩა-ნაბაკევის გადასავლელზე, მომხდარი მკვლელობის შესახებ დამატებითი დეტალები გახდა ცნობილი.

ჩვენი კორესპოდენტის ცნობით, რუსი ოკუპანტის მიერ მოკლული 31 წლის გიგლა ოთხოზორია ზუგდიდში, დევნილთა საერთო დასახლებაში ცხოვრობდა.

გარდაცვლილის ახლობლების თქმით, ახალგაზრდა მამაკაცი მაშინ მოკლეს, როცა მას ახლო ნათესავის დაკრძალვისთვის საჭირო პროდუქტი ოკუპირებულ ნაბაკევში გადაჰქონდა.

"გიგლას მამიდა გარდაეცვალა, დაკრძალისთვის საჭირო პროდუქტები ზუგდიდის ბაზარში შეიძინა, ე.წ ადმინისტრაციულ საზღვართან კი ის რუსმა მებაჟემ გააჩერა და გარკვეული თანხის გადახდა მოსთხოვა. ოთხოზორია ოკუპანტს შეჰპირდა, რომ თანხის ნაწილს მოგვიანებით მიაწვდიდა. ამ ფაქტმა გააღიზიანა ოკუპანტი და გიგას მისამართით ცეცხლი გახსნა"- უთხრა "ნიუპოსტს" მოკლულის ახლობელმა.

გოგა ოთხოზორიას ცხედარი ზუგდიდის რეფერალური საავადმყოფოდან ქუთაისში პროზექტურაში გადაასვენეს. საავადმყოფოში გულის შეტევით მოხვდა ოთხოზორიას ნათესავი, რომელიც მკვლელობას შეესწრო.

"ნიუპოსტის" ინფორმაციით, ე.წ საზღვართან მობილიზებულია ქართული შეიარაღებული ძალები და სამართალდამცავები.