რუსეთის 58-ე არმიის ოფიცერი "ქართული ოცნების" წინასაარჩევნო კამპანიაში ჩაერთო

პოლიტიკა - 15:25, 19 May, 2016

13587

როგორც "გურიის მოამბეს" დაბა ნასაკირალის მოსახლეობამ ექსკლუზიური ინფორმაცია მიაწოდა, 2008 წელს რუსეთ - საქართველოს ომში რუსეთის 58-ე არმიის ოფიცერი ზაზა მუკბანიანი "ქართული ოცნების" წინასაარჩევნო კამპანიაში დაბა ნასაკირალის საარჩევნო ოლქში ჩაერთო.

ამიშ შესახებ "გურიის მოამბეს" დაბა ნასაკირალის საარჩევნო ოლქიდან "ნაციონალური მოძრაობის" წარმომადგენლებმა აცნობეს. მათივე ინფორმაციით, რუსეთის არმიის ვიცე პოლკოვნიკი ზაზა მუკბანიანი ნასაკირალში 10 დღის განმავლობაში იმყოფებოდა და "ქართული ოცნების" კანდიდატის წინასაარჩევნო მხარდასაჭერ კამპანიას აწარმოებდა. როგორც ნაციონალები ირწმუნებიან, ზაზა მუკბანიანი მხარდაჭერის სანაცვლოდ ადგილობრივებს დახმარებას პირდებოდა და ხაზს უსვამდა ბიძინა ივანიშვილთან და კახი კალაძესთან ახლო ურთიერთობას. მუკბანიანს ადგილობრივებთან არ მალავადა იმას, ის 2008 წლის აგვისტოს ომში საქართველოს შეიარაღებული ძალების წინააღმდეგ იბრძოდა.

როგორც ადგილობრივები გვიყვებიან, მუკბანიანი ნასაკირალში საკუთარი ავტომობილით გადაადგილდება და მოსახლეობასთან შეხვედრებს პირდაპირ ოჯახებში მართავს.

ზაზა მუკბანიანი წარმოშობით დაბა ნასაკირალიდან არის და თავის მოღვაწეობას რუსულ შეიარაღებულ ძალებში აგრძელებს.

შეგახსნებეთ, რომ ნასაკირალის საარჩევნო ოლქში შუალედური არჩევნები 22 მაისს ტარდება და მასში "ნაციონალური მოძრაობიდან" ბესიკ ქათამაძე და "ქართული ოცნებიდან" ნონა ტუნაძე იღებენ მონაწილეობას.