“წელიწადში სახელმწიფო იბარებს 2500 ლიტრ შარდს“- აპც "გირჩი" იძულებით ნარკოტესტირებას აპროტესტებს

პოლიტიკა - 14:02, 19 May, 2016

5127

იურიდიულ საკითხთა კომიტეტის სხდომაზე, რომლის დღის წესრიგშიც შესულია პარლამენტარ გოგა ხაჩიძის კანონპროექტი, რომელიც სასამართლოს ნებართვის გარეშე იძულებითი ნარკოტესტირების, შარდის ჩაბარების მოთხოვნის აკრძალვას ითვალისწინებს, ახალი პოლიტიკური ცენტრის „გირჩის“ წევრებმა და აქტივისტებმა იძულებითი ნარკოტესტირება ტრანსფარანტებით გააპროტესტეს.

კომიტეტის სხდომაზე შემდეგი ტრანსფარანტები გამოფინეს: „1 მოსწავლის წლიური ვაუჩერი 450 GEL, 1 ლიტრი შარდი 6000 GEL”, “წელიწადში სახელმწიფო იბარებს 2500 ლიტრ შარდს“.

„ქუჩაში უბენებიდან უკვე არაგონივრული ეჭვის საფუძველზე, იმიტომ რომ გონივრულინ ეჭვი აღარ არსებობს, ოპერატიულ თუ უამრავ საფუძველზე რაც ძალოვანს გაუხარდება, შეუძლია გადაიყვანოს ნარკოტესტირებაზე. შემდეგ ან შარმდდენი დაალევინოს, ან ძალით მოაშარდინოს ან ეხვეწოს რომ მოშარდოს ან ეს ქნას ან ის ქნას. ეს საკითხი მაინც მოვაგვაროთ, რომ დავტოვოთ ისეთი ქვეყანა სადაც ქუჩაში არ გაგაჩერებენ და მოსაშარდად არ წაგიყვანენ. ქვეყანა სადაც სახელმწიფო ტონობით შარდს არ ართმევს მოქალაქეებს“- განაცხადა კანონპროექტის ავტორმა გოგა ხაჩიძემ.

გირჩის წარმომადგენლებმა პარლამენტში პლასტმასის ჭიქებში ჩასხმული მუქი ფერის სითხეც მიიტანეს. აპც „გირჩის“ წარმომადგენლების განცხადებით შემოწმების აღნიშნული მეთოდი არა მარტო ადამიანის უფლებებს არღვევს, არამედ გაუმართლებელია ფინანსური კუთხითაც.

„იძულებით გადაადგილებული პირების მხარდაჭერაზე სახელმწიფო ხარჯავს 19 მლნ ლარს. მასწავლებლების პროფესიულ განვითარებაზე 16 მლნ ლარს, კულტურული მემკვიდრეობის შენახვაზე 6,5 მლნ ლარს, დედათა და ბავშვთა ჯანმრთელობაზე 6 მლნ ლარს. მაშინ როდესაც 2500 ლიტრ შარდში ყოველ წელს ვხარჯავთ 15 მილიონ ლარს. ეს რიცხვები იმისთვის, რომ უფრო გასაგები იყოს რა დონის მარაზმში ვართ და ეს მარაზმი უნდა დამთავრდეს და გაუმარჯოს იძულებითი ნარკოტესტირებისგან თავისუფალ საქართველოს“- განაცხადა ზურაბ ჯაფარიძემ.

ფოტო "ლიბერალი"