საქართველოს პარლამენტის თავმჯდომარე ე.წ. კაბელების საქმეზე საუბრობს. მისი განცხადებით პარლამენტის თავმჯდომარეს აქვს გარკვეული შეკითხვები აღნიშნული პროცესის მიმდინარეობასთან დაკავშირებით. დავით უსუფაშვილი ამ საქმეს განსაკუთრებული ინტერესით აკვირდება და აცხადებს, რომ ძალიან მნიშვნელოვანია, სასამართლოს გამჭვირვალედ მოქმედება.

„სამწუხაროდ, თითქმის ორი წლის განმავლობაში მიმდინარეობს ამ საქმის გამოძიება, მაგრამ ამ წუთისთვის კითხვები უფრო მეტი დარჩა, ვიდრე პასუხებია მიღებული, ვფიქრობ, რომ ამ საქმის საბოლოო სამართლებრივი და პოლიტიკური შედეგი ჯერკიდევ წინ არის და ეს თემა დახურული და დასრულებული არ არის. ეს არ არის კარგი მოვლენა, მაგრამ დარწმუნებული ვარ, რომ ყველა კითხვას პასუხი გაეცემა“, - განაცხადა დავით უსუფაშვილმა.

შეგახსენებთ, რომ ე.წ. კაბელების საქმეზე თბილისის საქალაქო სასამართლომ თავდაცვის სამინისტროს 5 ყოფილ თანამშრომელს გამამტყუნებელი განაჩენი გამოუტანა და მათ 7 წლით თავისუფლების აღკვეთა შეეფარდათ.