თავდაცვის მინისტრი დელტა-ს ხელმძღვანელის თანამდებობიდან გადაყენების ფაქტს ადასტურებს, თუმცა, მიზეზებს არ აკონკრეტებს. ხიდაშელის განცხადებით, მას შემდეგ, რაც დელტა-ს საქმიანობას გენერალური ინსპექცია შეისწავლის, მხოლოდ ამის შემდეგ გასცემს კითხვებს პასუხებს.

„საზოგადოების მაღალი ინტერესი, რომელიც ამ საკითხმა გამოიწვია იყო მთავარი მიზეზი, ჩვენ არ ვაკეთებთ არასოდეს იმის იგნორირებას, რაც საზოგადოების ინტერესებშია. მე არ ვთვლი საჭიროდ, რომ ჩემს დაქვემდებარების ქვეშ მყოფი პირების განცხადებებზე კომენტარები ვაკეთო. თავდაცვის სამინისტრომ მოკვლელვა დაიწყო ამ ინტერესის დასაკმაყოფილებლად და საზოგადოებისთვის რეალობის საჩვენებლად, გაირკვევა ყველაფერი, ბრძანებაზე ხელი მოწერილია. თუ არაფერი არ გამოვლინდა, შესაბამისად ის დაბრუნდება სამსახურში“, - განაცხადა თინა ხიდაშელმა.