„ვერ ვხვდები რატომ ელოდებიან გოგონები, როდის გადაწყვეტენ ბიჭები "ხელის თხოვნას"- გოგონა რომელმაც ყველა აალაპარაკა(ფოტო)

სოც.მედია - 15:24, 18 May, 2016

21661

სოციალურ ქსელს ვირუსივით მოედო ფეისბუკმომხმარებლის, ნათია ჩიქოვანის მიერ ატვირთული ფოტო, რომელზეც აღბეჭდილია, როგორ თხოვს იგი ხელს საყვარელ მამაკაცს. როგორც გოგონა წერს ისინი უკვე 2 წელია ერთად ცხოვრობენ და სულაც არ არის საჭირო ბიჭის წინადადებას ელოდო დაოჯახებასთან დაკავშირებით. „მე და ლუკა 2 წელია რაც ერთად ვცხოვრობთ. ერთად ცხოვრება საუკეთესო საშუალებაა ორი ადამიანის ურთიერთობის გამოსაცდელად და იმ უმნიშვნელოვანესი გადაწყვეტილების მისაღებად რომელსაც დაქორწინება ჰქვია. ჩვენ ეს ეტაპი გადავლახეთ და მივხვდით, რომ მუდამ ერთად ყოფნა გვინდა. ვერასდროს ვხვდებოდი გოგოები, რომლებსაც დაქორწინება უნდათ რატომ ელოდებიან ბიჭებს, როდის გადაწყვეტენ ისინი "ხელის თხოვნას", რომ მათ უბრალოდ თქვან დიახ.. დამიჯერეთ მეორე მხარეს ყოფნა ბევრად უფრო ამაღელვებელია. ამიტომაც მე დღეს ლუკას დაქორწინება ვთხოვე. ძალიან დიდი მადლობა ჩვენს უსაყვარლეს მეგობრებს, რომლებიც დღეს ჩვენს გვერდით იყვნენ და განსაკუთრებული მადლობა Tem BD, რომელმაც დროზე დარეკა და სიურპრიზის ჩაშლისგან გადამარჩინა...

P.S. HE SAID YES“- წერს ნათია. როგორც ჩანს მისი საქციელი ბევრს მოეწონა და საჩუქრებიც მიიღო. ერთ-ერთი ღვინის კომპანიისგან გამოგზავნილი აღმოჩნდა.

„ამ წუთას მივიღე საჩუქარი IKANO-სგან. ძალიან დიდი მადლობა ჩვენი ბედნიერების გაზიარებისათვის და მხარდაჭერისათვის. ვერც წარმომედგინა, რომ მე და ლუკას ამბავს ასეთი გამოხმარუება მოჰყვებოდა. უამრავი უცნობი ადამიანი აზიარებს პოსტს, გვილოცავენ და გვაქებენ ძალიან დიდი მადლობა მინდა გადავუხადო ყველას და ვარ ორმაგად ბედნიერი იმიტომ, რომ ისეთ პატრიარქალურ ქვეყანაში, როგორიც საქართველოა ასე დადებითად შეხვდნენ ამ გადაწყვეტილებას. ჩემი მიზანიც ეს იყო, რომ ხაზი გამესვა ადამიანების (განურჩევლად სქესისა) თავისუფალ არჩევანზე, თანაბარ უფლებებსა და შესაძლებლობებზე. გოგოებო და ბიჭებო იყავით თავისუფლები, ბედნიერები და თანასწორები“.