ე.წ კაბელების საქმესთან დაკავშირებით „თავისუფალი დემოკრატები“ დღეს დიპლომატიური კორპუსის წარმომადგენლებს შეხვდებიან და სამოქმედო გეგმას გააცნობენ.

თავდაცვის სამინისტროს ყოფილ მაღალჩინოსანთა მიმართ გამოტანილ განაჩენს ალასანიას გუნდი ანგარიშწორებად აფასებს და საქმის პოლიტიკურ მოტივებზე საუბრობს, ამასთან დაკავშირებით კი საპროტესტო აქციების გამართვას გეგმავს. პარტიის ლიდერის ირაკლი ალასანიას განცხადებით ეს განაჩენი ივანიშვილის მიერ არის გამოტანილი:

„ბუგიანიშვილის გადაწყვეტილება, ეს იგივეა მურუსიძის და ივანიშვილის გადაწყვეტილება. ეს არ არის პარტიული აქცია, ეს არის აქცია ყველა სამართლიანობისთვის მებრძოლი ადამიანის,“ - განაცხადა ირაკლი ალასანიამ.