ე.წ. კაბელების საქმეზე დაკავებული თავდაცვის სამინისტროს 5 ყოფილი მაღალჩინოსნის უფლებადამცევლი საქმის ვითარებაზე „რუსთავი 2“-ის პირდაპირ ეთერში საუბრობს. ლევან სამუშიას განცხადებით პროკურატურის მტკიცებით, თავდაცვის სამინისტროს თანამშრომლებმა ისე, რომ სილქნეტმა არაფერი იცოდა, მოინდომა მათთვის უპირატესობის მინიჭება:

„როგორც პროკურატურა ამტკიცებს, თავდაცვის სამინისტროს თანამშრომლებმა ისე, რომ სილქნეტმა არაფერი იცოდა, მოინდომეს მათთვის უპირატესობის მინიჭება და ამას დაარქვეს, რომ თითქოს ამით ამ ხუთ ადამიანს სურდა, უპირობო კეთილგანწყობის მოპოვება სილქნეტისაგან. ანუ შეიძლება ითქვა, რომ პროკურატურა ჩვენს დაცვის ქვეშ მყოფებს ედავება სილქნეტისადმი პლატონურ სიყვარულში,“ - აცხადებს ადვოკატი.