საქართველოს პრეზიდენტი გიორგი მარგველაშვილი ე.წ. კაბელების საქმეზე პირველ კომენტარს აკეთებს. ამ საკითხზე პრეზიდენტმა ტელეკომპანია „რიონის“ პირდაპირ ეთერში ისაუბრა და განაცხადა, რომ მას არ სურს დაასწროს მოვლენებს, რადგან საქმე შესაძლოა სააპელაციო სასამართლოში გადავიდეს, თუმცა, განსაკუთრებული ყურადღებით დააკვირდება მის მიმდინარეობას:

„ამ პროცესის მიმდინარეობის არაერთ ეტაპზე არაერთმა პოლიტიკურმა პირმა თავისი პოზიცია დააფიქსირა, მე პირადად არასდროს არავითარი პოზიცია არ დამიფიქსირებია, მე პატივს ვცემ სასამართლოს დამოუკიდებლობას, მოსამართლემ არ უნდა გაითვალსიწინოს და არ უნდა ფიგურირებდეს მის გადაწყვეტილებაში მაღალი თანამდებობების პირების კომენტარების გავლენა. კითხვის ნიშნები პოლიტიკური ელფერის თაობაზე დაფიქსირდა საზოგადოების მხრიდან. ეს არის ამ საკითხის წარსული.

საქმე არის პირველ ინსტანციაში, ეს პროცესი უნდა წავიდეს ქართულ სასამართლოში. ამ საქმის ვექილები აპირებენ რომ აპელაციაში შეიტანონ ეს საქმე, არ მინდა დავასწრო მოვლენებს. მე განსაკუთრებით ყურადღებით დავაკვირდები ამ საქმის მიმდინარეობას“, - განაცხადა გიორგი მარგველაშვილმა.