თბილისის მერი დავით ნარმანია დღეს საკრებულოში წლიური ანგარიშით წარსდგა. მან დეპუტატების შეკითხვებსაც უპასუხა. ანგარიშის წარდგენის დასრულების შემდეგ, საკრებულოს დეპუტატმა დავით ზურაბიშვილმა კომენტარი გააკეთა და აღნიშნა, რომ დავით ნარმანია ცდილოობდა ყოველივე ისე წარმოედგინა „თითქოს ნაციონალური მოძრაობის წინააღმდეგ ჯვაროსნულ ბრძოლას იწყებენ“:

„სამწუხაროდ, თბილისის მერიამ და უმრავლესობის ზოგიერთმა წევრმა პირველივე წუთიდანვე ძალიან კონფრონტაციული ტონი აირჩიეს. ჯერ გამარჯობა არ ჰქონდათ ნათქვამი და გადავიდნენ შეტევაზე. უმრავლესობის წევრები და მერი ცდილობდნენ, დღევანდელი დღე წარმოეჩინათ ისე, თითქოს ნაციონალური მოძრაობის წინააღმდეგ ჯვაროსნულ ლაშქრობას იწყებდნენ,“ - განაცხადა დავით ზურაბიშვილმა.

ამასთან, დავით ზურაბიშვილი იმასაც ამბობს, რომ „ჯერჯერობით ჩვენ ვერ ვხედავთ კითხვებზე პასუხების გაცემისთვის მზაობას".

"რასაც მე ვუყურებ, ძირითადად ბრალდებებს ვხედავ ნაციონალური მოძრაობის წინააღმდეგ. აი, საბჭოთა კავშირის დროს რომ იყო, ისე. ჯერჯერობით სულ იმ 9 წელთან არის შედარება,“ - განაცხადა დავით ზურაბიშვილმა.