„კაბელების საქმის“ პოლიტიკური შემადგენელი დღეს იქცა განაჩენად

„კაბელების საქმის“ პოლიტიკური შემადგენელი დღეს იქცა განაჩენად - ბერძენიშვილი

პოლიტიკა - 19:12, 16 May, 2016

2989

"რესპუბლიკურ პარტიის" ერთ-ერთი ლიდერი ე.წ კაბელების საქმეზე დამგდარ განაჩენზე საუბრისას აცხადებს, რომ პოლიტიკური შემადგენელი აშკარაა.
ამ კონტექსტში ბერძენიშვილმა აღნიშნა, რომ „რესპუბლიკელები“ ყოველთვის უწვდინენ ხელს „თავისუფალ დემოკრატებს“.
"რესპუბლიკურ პარტიას" უკომპრომისო, უწყვეტი პოზიცია აქვს „კაბელების საქმესთან“ დაკავშირებით პირველივე წუთიდან. როგორც კი, ეს ხუთი ადამიანი დააკავეს, ხათუნა სამნიძემ, მეც და ბევრმა სხვა „რესპუბლიკელმა“ მაშინვე სოლიდარობა გამოვუცხადეთ „თავისუფალ დემოკრატებს. თავდაცვის მინისტრმა, თინათინ ხიდაშელმა შექმნილ ვითარებაში უპრეცედენტო ნაბიჯი გადადგა და აღადგინა სამსახურში ეს ადამიანები. დღეს ჩვენთვის დადასტურდა, რომ, ვერ მოხერხდა ქვეყანაში სასამართლო ხელისუფლების პოლიტიკური შეკვეთებისგან გათავისუფლება. ამ ადამიანებს ჩვენ ვუცხადებდით სოლიდარობას და ახლაც ვუცხადებთ. ეს არის ამ ადამიანების უფლებებისთვის ბრძოლა. ჩვენ არ მოვრიდებივართ არავის, არც ყოფილ პრემიერს, როცა ყოველთვის ძალიან ღიად და პირდაპირ ვამბობდით, რომ აქ არის პოლიტიკური შემადგენელი. დღეს ეს პოლიტიკური შემადგენელი იქცა განაჩენად. იმედი მაქვს, რომ ეს განაჩენი არ იქნება საბოლოო განაჩენი“,- აღნიშნა დავით ბერძენიშვილმა.