,,ე.წ. კაბელების საქმეზე მიღებული გადაწყვეტილება უკანონო და პოლიტიკურად მოტივირებულია“

პოლიტიკა - 18:52, 16 May, 2016

1361

ე.წ. კაბელების საქმეზე სასამართლოს მიერ მიღებულ გადაწყვეტილებას ეხმაურებიან ,,სამართალდამცავთა დაცვის ლიგაში“. ორგანიზაციაში მიიჩნევენ, რომ აღნიშნული განაჩენი არღვევს დემოკრატიისა და სამართლიანობის პრინციპს და საფრთხეს უქმნის ქვეყნის დემოკრატიულ განვითარებას.

,,გვინდა გამოვეხმაუროთ ე.წ. „კაბელების“ საქმეზე გამოტანილ გამამტყუნებელ განაჩენს. მივიჩნევთ, რომ აღნიშნული გადაწყვეტილება არის უკანონო და უსამართლო.

ჩვენი აზრით, სასამართლო პროცესების მიმდინარეობისას გამოკვლეული მტკიცებულებებით არ დასტურდება დანაშაულის შემადგენლობა. ასევე, საქმეში არსებული სხვა ფაქტობრივი გარემოებები არ ადასტურებს დაკავებულ პირთა ბრალეულობას.

გარემოებები გვაძლევს საფუძველს ვივარაუდოთ, რომ აღნიშნულ საქმეში არ არსებობს სამართლებრივი და ფაქტობრივი საფუძვლები და საქმე პოლიტიკურად მოტივირებულია.

მიგვაჩნია, რომ აღნიშნული განაჩენი უხეშად არღვევს დემოკრატიული სახელმწიფოს ფუნდამენტურ პრინციპებს, მათ შორის სამართლიანი სასამართლოს პრინციპს და საფრთხეს უქმნის სახელმწიფოს დემოკრატიულ განვითარებას“ - ნათქვამია განცხადებაში.