საარჩევნო სისტემის ე.წ. გერმანული მოდელი პარლამენტს "რესპუბლიკელებმა" წარუდგინეს

პოლიტიკა - 18:51, 16 May, 2016

1903

პარლამენტში ბიუროს დღევანდელ სხდომაზე დარეგისტრირდა საარჩევნო კოდექსში შესატანი ცვლილებები, ე.წ გერმანული მოდელი პარლამენტში რესპუბლიკელების ინიციატივით შევიდა. „რესპუბლიკური პარტიის“ ერთ-ერთი ლიდერის დავით ბერძენიშვილის განმარტებით შექმნილ ვითარებაში გერმანული მოდელი არის ის საუკეთესო ვერსია, რომელსაც საკონსტიტუციო ცვლილებები არ სჭირდება:

„გერმანული მოდელის მიხედვით პარტია მიიღებს იმდენ მანდატს, რამდენ პროცენტსაც ის აიღებს და ეს დაითვლება 150 კაციანი პარლამენტიდან და არა 73-დან. დღევანდელი სისტემით პარტიული სიით მიღებულ მანდატებს ემატება მაჟორიტარების მანდატები. მაჟორიტარებს ხელისუფლება მეტს იღებს ხოლმე, როგორც წესი, ვიდრე პროპორციულ ში უცხადებს ნდობას ამომრჩეველი და ეს ჯამი არაადეკვატურია ამა თუ იმ პარტიის , განსაკუთრებით სახელისუფლებლო პარტიის მიმართ განწყობებისა. შექმნილ ვითარებაში ჩვენ გავითვალისწინეთ არასამთავრობო სექტორის, ოპოზიციური პოლიტიკური პარტიების შემოთავაზებები. საარჩევნო სისტემის გერმანული მოდელი არის ის საუკეთესო ვერსია, რომელსაც საკონსტიტუციო ცვლილებები არ სჭირდება. “- განაცხადა დავით ბერძენიშვილმა.