როდესაც კრემლი ითავებს შერიგებას, დასავლეთი დაკარგავს საქართველოს საბოლოოდ

როდესაც კრემლი ითავებს შერიგებას, დასავლეთი დაკარგავს საქართველოს საბოლოოდ - ლევან ვასაძე

პოლიტიკა - 17:56, 16 May, 2016

5345

ფილარმონიაში მიმდინარე „მსოფლიო საოჯახო კონგრესზე“, რომლის თემაა ოჯახი თავისუფლებისა და ზოგადსაკაცობრიო ღირებულებების ბასტიონი“, დამსწრე საზოგადოებას ბიზნესმენმა ლევან ვასაძემ მიმართა. ვასაძემ საქართველოში არსებულ მდგომარეობაზე ისაუბრა. დასავლეთის ქვეყნები ქართულ ტრადიციებთან ბრძოლაში დაადანაშაულა და განაცხადა, რომ როდესაც რუსეთი ითავებს შერიგებას თბილისსა და სოხუმსა და თბილისსა და ცხინვალს შორის, დასავლეთი საქართველოზე გავლენას დაკარგავს

"ჩვენს რუს ხალხთან ერთად ჩვენ გავუძელით და თავიდან მოვიშორეთ და დავამარცხეთ ჯერ ფაშიზმი და შემდეგ კომუნიზმი, ორივე მოსული ჩვენთან დასავლეთიდან. დასავლეთი განაგრძობს ყოველგვარ შეუნანებლობას საქართველოში თავისი ქმედებების გამო, მისი გავლენის ნარჩენები ემყარება მის ე.წ. მხარდაჭერას საქართველოს ტერიტორიული მთლიანობისა რუსული ოკუპაციის პირობებში. ის დღე, როდესაც კრემლი ბოლოს და ბოლოს მიხვდება ამას და ითავებს შერიგებას თბილისსა და სოხუმსა და თბილისსა და ცხინვალს შორის, იქნება დღე, როდესაც დასავლეთი დაკარგავს საქართველოს საბოლოოდ. მე ამასაც ვამბობ ნამდვილი სინანულით, რადგან მჯერა, რომ საქართველოს შეუძლია, იყოს ჭეშმარიტად დამოუკიდებელი"- განაცხადა ლევან ვასაძემ. მისი თქმით რუსეთი ქრისტიანულ საქართველოს გადარჩენაში დაეხმარა, თუმცა მან ეს საქართველოს ავტოკეფალიის გაუქმების ხარჯზე მოახდინა.