თავისუფალი დემოკრატები კაბელების საქმესთან დაკავშირებით შაბათს აქციას პროკურატურასთან გამართავენ.

ამის შესახებ პარტიის ოფისში ირაკლი ალასანიამ განაცხადა. მისი თქმით, აქცია თბილისში პროკურატურის შენობასთან გაიმართება.

"ჩვენ შაბათს 21 მაისს 14:00 საათზე საპროტესტო აქციას გავმართავთ პროკურატურასთან. ეს იქნება პირველი აქცია. როცა ღირსეულ მოქალაქეებს ასე ექცევიან, ყველა უნდა დავფიქრდეთ რას ნიშნავს ეს ჩვენი ქვეყნისთვის. მე ბოლომდე ვიბრძოლებ, ვპირდები მათ, რომ არ მივატოვებ ტყვეობაში და არ დავტოვებ ამ ბრძოლაში ერთი ერთზე უსამართლობასთან"- თქვა ალასანიამ.

ცნობილია, რომ აქციაში მონაწილეობას პარტიის მხარდამჭერები რეგიონებიდანაც მიიღებენ.