რუსთავი 2 - ის და ე.წ კაბელების საქმე - სამართლის კრიზისი ქვეყანაში და დაანონსებული აქციები

პოლიტიკა - 14:16, 16 May, 2016

2013

ექსპერტი გია ხუხაშვილი "ნიუპოსტთან" ამბობს, რომ ხელისუფლებამ ვერ გაფანტა საზოგადოებაში არსებული ეჭვი, რომ ე.წ კაბელების საქმე პოლიტიკურად მოტივირებულია.

"ძალიან ვწუხვარ, რომ 5 ადამიანის თავისუფლების საკითხი პოლიტიკურ თემად არის ქცეული. ეს საქმე თავიდანვე სერიოზული ხარვეზებით მიმდინარეობდა. ხელისუფლებამ ვერ შეძლო საზოგადოება დაერწმუნებინა, რომ აქ წმინდა სამართლებრივი პროცესი იყო. ფატალური შეცდომა დაუშვა ხელისუფლებამ, როცა მაღალჩინოსნები დააპატიმრეს. მართალია მოგვიანებით ხუთივე მათგანი გაათავისუფლეს, თუმცა ეს რეაქცია დაგვიანებული იყო"- აღნიშნა გია ხუხაშვილმა.

კითხვაზე რა პოლიტიკურ პროცესს ვიხილავთ თავდაცვის სამინისტროს ყოფილი მაღალჩინოსნების დაპატიმრების შემდეგ და რა შედეგს მოუტანს "რუსთავი 2" - ის წინააღმდეგ მიმართული კამპანია მოქმედ გუნდს ექსპერტმა შემდეგნაირად უპასუხა:

"დღეის მდგომარეობით იმის თქმა, რა შედეგს მოიტანს ირაკლი ალასანიასთვის ქუჩის აქციები ძნელი სათქმელია. თუ მთლიან სურათს შევხედავთ, ამ საქმეს და რუსთავი 2- ის ირგვლივ მიმდინარე პროცესებს შევაჯამებთ, მთლიანობაში არსებობს საფუძველი, რომ ქვეყანაში სამართლის კრიზისი შეიქმნას"- განმარტა ხუხაშვილმა.