„ნაციონალური მოძრაობა“ დღეს საარჩევნო სიის ახალ სახეებს წარადგენს

პოლიტიკა - 12:23, 16 May, 2016

1416

ნაციონალური მოძრაობა საარჩევნო სიის პირველ ათეულს დღეს 18:00 საათზე დაასახელებს - ამის შესახებ "ნიუპოსტს" ენმ-ს პრესსამსახურში განუცხადეს.

მათი თქმით, პრეზნტაცია აბანოთუბანში (ლეღვთახევი) გაიმართბა. კითხვაზე ვინ იქნებიან დავით ბაქარაძის გარდა სიის ათეულში დღეს "ნაციონალურ მოძრაობაში" არ პუასუხეს.

წინასწარი ინფორმაციით, ათეულში სავარაუდოდ იქნებიან: ნიკა მელია, ელენე ხოშტარია, სალომე სამადაშვილი, რომან გოცირიძე, სერგი კაპანაძე, გიორგი ტუღუში, ოთარ კახიძე, ირაკლი აბესაძე და სერგო რატიანი.

დეპუტატ რატიანის თქმით, დღეს დავით ბაქრაძე საზოგადოებას წარუდგენს იმ ახალ პროფესიონალ ადამიანებს, რომლებიც უერთდებიან ერთიან ნაციონალურ მოძრაობას.

"ისინი უერთდებიან იმ აქტიურ პროცესს რომლის შედეგადაც 8 ოქტომბერს ხელისუფლებას უნდა ჩამოშორდეს მილიარდერი, რომელმაც გასული 4 წელი გაატარა პირადი სიამოვნების მიღებაში და სრულად დაივიწყა დაპირებები“ - განაცხადა აბესაძემ.

ნაციონალური მოძრაობაში აქცენტს აკეთებენ იმ ფაქტზე, რომ სიის შედგენის ერთ-ერთი პრინციპი განახლება იყო.

"ჩვენ შევადგინეთ პრინციპები და ეს პრინციპები არის სრულიად დემოკრატიული. ყველა რეგიონმა თავად აირჩია თავისი დელეგატები და ეს იყო სწორედ სიის ფორმირების პრინციპებში გაწერილი. იყო საკმაოდ მძაფრი კონკურენცია. ასევე ჩვენი ერთ-ერთი პრინციპი იყო განახლება, ახალი ფიგურების შემოყვანა" - აღნიშნა რატიანმა.