ირაკლი ალასანიამ შიდა ქართლში მაჟორიტარობის კანდიდატები წარადგინა

პოლიტიკა - 14:26, 15 May, 2016

2541

,,თავისუფალი დემოკრატების" ლიდერმა ირაკლი ალასანიამ გორის თეატრის დარბაზში, შიდა ქართლის მუნიციპალიტეტებში მაჟორიტარობის კანდიდატები წარადგინა. როგორც ,,ნიუპოსტის" კორესპომდენტი იტყობინება, ქალაქ გორში მოახლოებულ საპარლამენტო არჩევნებზე, თამაზ შიოშვილი იყრის კენჭს, გორის მუნიციპალიტეტში მურად მურადაშვილი, ხაშურში გოგი ცხადიაშვილი, ქარელში სანდრო მსხალძე, ხოლო კასპში ვახტანგ ბეჟიტაშვილი. ირაკლი ლასანიამ მაჟორიტარობის კანდიდატების წარდგენის პარალელურად, ამომრჩეველს პარტიის საარჩევნო პროგრამა და სამომავლო გეგმები გააცნო.პარტიის ლიდერმა ყურადღება გაამახვილა „თავისუფალი დემოკრატების“ სოციალურ პროგრამებზე, რომელიც სხვა მიმართულებებთან ერთად, მოიცავს პენსიის გათანაბრებას საარსებო მინიმუმთან და უფასო მედიკამენტების პროგრამის ამოქმედებას. ირაკლი ალასანიამ დეტალურად ისაუბრა ვეტერანთა სოციალურ პროგრამებზე და მათტ საპენსიო რეფორმაზე.

გორის თეატრში პარტია „თავისუფალი დემოკრატების“ 500-ზე მეტი მომხრე იყო შეკრებილი. თბილისისდან, სპეციალურად გორის კონფერენციაზე ჩასულები იყვნენ პარტიის ლიდერები - ზურა აბაშიძე, ირაკლი ჩიქოვანი, ირაკლი ქადაგიშვილი, ვიქტორ დოლიძე, გიორგი ცაგარეიშვილი, მაია ფანჯიკიძე, ნინო ფრუიძე, თამარ კეკენაძე, თამარ ამაშუკელი და სულხან ღლონტი.