თბილისის მერი დავით ნარმანია „ქართული ოცნების“ პარტიულ ყრილობას დაესწრო. ყრილობის დასრულების შემდეგ ნარმანიამ ჟურნალისტებისთვის კომენტარი გააკეთა და აღნიშნა, რომ დღევანდელი დღე წინსვლის მე-4 ეტაპი იყო:

”დღევანდელი დღე ეს არის გამარჯვების და წინსვლის მე-4 ეტაპი, როცა განახლდა შემადგენლობა პოლიტსაბჭოში, როცა კიდევ უფრო მეტი ამოცანების დასმა ხდება, იმისთვის რომ კიდევ უფრო მეტი გაკეთდეს წინსვლისთვის და განვითარებისთვის. ის უმთავრესი ამოცანები , რაც 2012 წლიდან აიღო ჩვენმა გუნდმა, ამ შემადგენლობით თუ იმ შემადგენლობით, დარწმუნებული ვარ, ქვეყანა ივლის სწორი ორიენტირით, საითკენაც ჩვენი ქვეყნის ხელისუფლება მიისწრაფის”, - განაცხადა დავით ნარმანიამ.