„საკონსტიტუციო სასამართლოს შესახებ კანონში“ ცვლილებები პარლამენტმა მესამე მოსმენით დაამტკიცა. კანონპროექტს მხარი 81-მა დეპუტატმა დაუჭირა.

სხდომას პროტესტის ნიშნად ნაციონალური მოძრაობის წარმომადგენლები არ ესწრებოდნენ. მათი განცხადებით, ამ ცვლილებების შეტანით მმართველ გუნდს საკონსტიტუციო სასამართლოს დანგრევა სურს.

საკანონმდებლო ორგანოში იმყოფებოდა კობა დავითაშვილი, რომელმაც კანონპროექტს ხმა მისცა:

„მე ვიძახდი, რომ ეს საკითხი უნდა დასმულიყო ოთხი წლის წინ, ის დღეს გადაწყდა. ეს ჩემი დასმული საკითხია, ჩემი იდეაა, რომელიც ოთხი წლის წინ ვთქვი“, - განაცხდა დავითაშვილმა.