დისკრიმინაცია ფერის, ეთნიკურ, გენდერის, სექსუალური ორიენტაციისა და მრწამსის საფუძველზე კანონგარეშედ გამოვაცხადეთ- პრემიერი

პოლიტიკა - 19:22, 13 May, 2016

1057

საქართველოს პრემიერ-მინისტრის განცხადებით ქვეყანამ ადამიანის უფლებათა დაცვის კუთხით მნიშვნელოვან პროგრესს მიაღწია. აღნიშნული განცხადება გიორგი კვირიკაშვილმა ლონდონში ექსპერტებთან შეხვედრის დროს გააკეთა. საქართველოს მთავრობის მეთაურმა ხაზი გაუსვა ანტი-დისკრიმინაციული კანონის შექმნასაც და განაცხადა, რომ საქართველომ კანონგარეშედ გამოაცხადა დისკრიმინაცია კანის ფერის, ეთნიკური კუთვნილების, გენდერის, სექსუალური ორიენტაციისა და მრწამსის საფუძველზე:

„შვიდწლიანი ეროვნული გეგმა, რომელიც ევროსაბჭოსთან შეთანხმდა, მიზნად ისახავს იმ დემოკრატიული ღირებულებების განმტკიცებას, რომელთაც ჩვენ განუხრელად ვუჭერთ მხარს, როგორც ჩვენი საზოგადოების ქვაკუთხედს. ჩვენ კანონგარეშედ გამოვაცხადეთ დისკრიმინაცია კანის ფერის, ეთნიკური კუთვნილების, გენდერის, სექსუალური ორიენტაციისა და მრწამსის საფუძველზე. ჩვენი ვიზა ლიბერალიზაციის სამოქმედო გეგმა გულისხმობდა საკანონმდებლო ცვლილებების პაკეტის მიღებას, რომლის ნაწილი ეხებოდა ანტი-დისკრიმინაციული კანონის შექმნას. ჩვენ ველით საბოლოო გადაწყვეტილებას სავიზო რეჟიმის ლიბერალიზაციასთან დაკავშირებით, რათა საქართველოს მოქალაქეებისათვის ხელმისაწვდომი გახდეს შენგენის ზონის ქვეყნებში უვიზო მგზავრობა. გასული წლის დეკემბერში გამოქვეყნდა ევროპის კომისიის ანგარიში, რომელიც საქართველოში გატარებულ რეფორმებს დადებითად აფასებდა“,-აღნიშნა საქართველოს პრემიერ-მინისტრმა.