დღეს 16:00 საათზე სპორტის სასახლეში პარტია „ქართული ოცნების“ ყრილობა გაიმართება. მოსაწვევები ადრესატებს უკვე დაურიგდათ. პარტიის აღმასრულებელი მდივნის, ირაკლი კობახიძის განცხადებით, მოსაწვევი საქართველოს ყოფილ პრემიერ-მინისტრს, ირაკლი ღარიბაშვილსაც გაეგზავნა:

„პარტიის ყრილობა ძალაშია. 14 მაისს, 16:00 საათზე, თბილისის სპორტის სასახლეში პარტიის რიგით მეოთხე ყრილობა გაიმართება. რაც შეეხება მოსაწვევების თემას, არ ვიცი, რა საფუძველი აქვს ამ ყველაფერს. რეალურად, მოსაწვევი დაეგზავნა ყველა ადრესატს. პირველ რიგში მოსაწვევები დაიგზავნა პარლამენტში - ჩვენს ფრაქციაში“, - აღნიშნა ირაკლი კობახიძემ.

ცნობილია, რომ ,,ქართული ოცნების" ყრილობაზრ არ არის დაპატიჟებული საქართველოს პრეზიდენტი. გიორგი მარგველაშვილი ერთადერთია ხელისუფლების პირველი პირებიდან, ვისაც მოსაწვევი არ მისვლია.