,,ეროვნულ-დემოკრატიული პარტია“ რუთავი 2-ის საქმესთან დაკავშირებით სპეციალურ განცხადებას ავრცელებს

პოლიტიკა - 14:40, 13 May, 2016

1318

,,ეროვნულ-დემოკრატიული პარტია“ რუსთავი 2-ის საქმესთან დაკავშირებით დღეს სააპელაციო სასამართლოში გამართულ სხდომას ეხმაურება და სპეციალურ განცხადებას ავრცელებს, რომელსაც ,,ნიუპოსტი“ უცვლელად გთავაზობთ:

,,ის, რაც დღეს სააპაელაციო სასამართლოში ტელეკომპანია რუსთავი 2-ის საქმესთან დაკავშირებულ განხილვზე ხდებოდა, ცალსახა მაჩვენებელია იმისა, რომ ხელისუფლება არის ამ პროცესის მხარე.

განზრახვა იმისა, მოხდეს მოკლე პერსპექტივაში როგორც მინიმუმ რუსთავი 2-ის სარედაქციო პოლიტიკის შეცვლა და წინასაარჩევნოდ ოპოზიციური, კრიტიკული აზრის ჩახშობა, აშკარად გამოვეთილია. ხელისუფლება ქვეყანაში დარტყმის ქვეშ აყანებს როგორც თავისუფალ სიტყვას, მათ შორის დამოუკიდებელ მართლმსაჯულებას, რომელიც თავად ხელისუფლებამ მისი ინტერესების უსტიყვო აღმსრულებელ და კოლექტიური ურთმელიძეების ორგანოდ აქცია.

მიუხედავად ხელისუფლების მტკიცებისა, რუსთავი 2 -ის საქმე წარმოაჩინოს კერძო პირთა შორის არსებულ დავად, ფაქტია, ეს ყველაფერი იქცა ბრძოლად დემოკრატიული ღირებულებებისა და დასავლური ფასეულობების წინააღმდეგ.

ეროვნულ-დემოკრატიული პარტია მიიჩნევს, რომ დაპირისპირება თავისუფალ მედიასთან, ეს არის დაპირისპირება საკუთარ საზოგადოებასთან და ბრძოლა განსხვავებულ აზრთან, რაც ძალიან ცუდად შემოუბრუნდება მმართველ ძალას და უპირველესად კი საფრთხეს შეუქმნის ქვეყნის საერთაშორისო იმიჯის.

ხელისუფლებას უნდა ახსოვდეს, რომ საპარლამენტო არჩევნები კარს მომდგარია და ქვეყანაში ყველაზე გავლენიან ტელეკომპანიასთან ბრძოლის გამოცხადება, სახიფათო თამაშია, რაც ფართო საზოგადოებრივი პროტესტის წინაპირობად შეიძლება იქცეს“ - ნათქვამია ეროვნულ-დემოკრატიული პარტიის განცხადებაში.