"ევას ტრანსპორტირება რთული და სპეციფიკური იყო" - შორენა ბეგაშვილი და ევა უკვე თურქეთში არიან

სოც.მედია - 11:22, 13 May, 2016

29560

შორენა ბეგაშვილი და მისი ქალიშვილი, ევა ბარბაქაძე უკვე თურქეთში იმყოფებიან. გოგონას პირველი ოპერაცია ხელხემალზე, ხვალ ჩაუტარდება. ამის შესახებ "რუსთავი 2-ის" საერთაშორისო პროექტების პროდიუსერი, სალომე ლილუაშვილი ფიესბუკის გვერდზე წერს.

"ვისაც გაინტერესებდათ - წუხელ შორენა და ევა გაფრინდნენ თურქეთში. იყო, რისთვისაც ძალიან დიდი მადლობა ჯანდაცვის სამინისტროს, პერსონალურად Nino Mamaladze -ს. ასევე, განსაკუთრებული მადლობა ავიაკომპანია "ატლასგლობალს", რომელმაც გარდა იმისა, რომ სრულად დააფინანსა ევას ტრანსპორტირება, კომპანიის გუნდის წევრებმა დიდი შრომა გაწიეს ბავშვის სამგზავროდ შესაბამისი პირობების შესაქმნელად. ასე რომ, ევამ გართულებების და დისკომფორტის გარეშე იფრინა და ახლა უკვე თურქეთის კლინიკაშია.
ხვალ, ანუ შაბათს, ხერხემალზე პირველი ურთულესი ოპერაციის ჩატარებაა დაგეგმილი. გუშინ შორენას საბანკო ანგარიშებზე მინიმალური თანხების ჩარიცხვაც კი ძალიან კარგად აისახა. 1 დღეში რამდენიმე ათასი ლარი შეგროვდა. მართალია, ეს ოპერაციისთვის არაა საკმარისი თანხა, მაგრამ ძალიან კარგი
დასაწყისია. ასე რომ, გთხოვთ, ვისაც რა თანხის საშუალება გაქვთ, იქნებ გადარიცხოთ მითითებულ ანგარიშებზე.
რაც მთავარია, მინდა, შორენას სახელით ყველას გადმოგცეთ მადლობა ასეთი თანადგომისთვის. მერწმუნეთ, ამ მდგომარეობაში მყოფი დედისთვის ეს ძალიან მნიშვნელოვანია.
ასე რომ, ვაგრძელებთ.
სიახლეებს პერიოდულად მოგაწვდით" - წერს სალომე.

ევა ბარბაქაძის ოპერაციებისთვის კოლოსალური თანხაა საჭირო. მის დასახმარებლად თანხის გადარიცხვა შეგიძლიათ შემდეგ რეკვიზიტებზე."