დიდ ბრიტანეტში სამუშო ვიზიტად მყოფმა გიორგი კვირიკაშვილმა ჟურნალისტებთან საუბრისას აღნიშნა, რომ ბიძინა ივანიშვილთან გარკვეული კონსულტაციები პარტიის შემდგომი მშენებლობის გზაზე შეიძლება, არსებობდეს.

პრემიერ-მინისტრის განცხადებით, საზოგადოება მთლიანად ახალ გუნდს არ იხილავს, თუმცა იქნება გარკვეული ცვლილებები, ბიძინა ივანიშვილს კი ამ ცვლილებებში ამ წუთამდე არავიტარი მონაწილეობა არ მიუღია:

„ბიძინა ივანიშვილი არის ქართული ოცნების დამფუძნებელი, მე არასოდეს არ დამიმალავს, რომ მას გააჩნია ძალიან მაღალი ავტორიტეტი, არა მხოლოდ პოლიტიკურ გაერთიანება „ქართულ ოცნებაში“, არამედ მთლიანად საქართველოში. თუმცა კიდევ ერთხელ ვამბობ, ის, რომ მასთან გარკვეული კონსულტაციები პარტიის შემდგომი მშენებლობის გზაზე შეიძლება არსებობდეს, ამაში გასაკვირი არაფერია. მაგრამ ისიც მინდა ვთქვა, რომ შემდგომი გუნდი და ცვლილებები გუნდში, ეს არ იქნება მთლიანად ახალი გუნდი, იქნება ნაწილი ძველი გუნდიდან წარმოდგენილი, შემდგომი გუნდის დაკომპლექტებაში ამ წუთამდე მას არანაირი მონაწილეობა არ მიუღია”, - განაცხადა გიორგი კვირიკაშვილმა.

საქართველოს პრემიერ-მინისტრი ლონდონში სამუშაო ვიზიტით იმყოფება. სამიტში საქართველოს პრემიერ-მინისტრი გიორგი კვირიკაშვილი 40 ქვეყნის ლიდერთან ერთად მონაწილეობს.

პრემიერსა და სამიტის მონაწილეებს დღეს დევიდ კემერონმაც უმასპინძლა.