საქართველოს პრეზიდენტის ადმინისტრაციის უფროსის გიორგი აბაშიშვილის განცხადებით, საქართველოს პარლამენტს მოუწევს გააკეთოს არჩევანი მურუსიძესა და დოლიძეს შორის, როცა დღევანდელ პლენარულ სხდომაზე პრეზიდენტის მიერ წარდგენილ უზენაესი სასამართლოს წევრობის კანდიდატებს უყრის კენჭს.

,,არანაირად არ მაქვს იმედი, რომ ,,ნაციონალური მოძრაობა" რამენაირად დათმობს მურუსიძეს და მხარს დაუჭერს დოლიძეს, თუმცა ვფიქრობ, რომ პარლამენტის თითოეულ წევრს, უმრავლესობას დღეს აქვს შესაძლებლობა მურუსიზის მართვის სტილი სასამართლოში დოლიძის სტილით შეცვალოს.
უნდა გვახსოვდეს, სერიოზული პრობლემები შეექმნება უზენაესი სასამართლოს ფუნქციონირებას, თუ სწრაფად არ იქნებიან დამტკიცებული პრეზიდენტის მიერ წარდგენილი მოსამართლეები. ამიტომ რისკის ქვეშ ნუ დავაყებთ უზენაესი სასამართლოს ფუნქციონირებას,"- განაცხადა გიორგი აბაშიშვილმა.
საქართველოს პარლამენტი დღეს პლენარულ სხდომაზე განიხილავს პრეზიდენტის მიერ უზენაესი სასამართლოს წევრებად წარდგენილ ანა დოლიძის, თამარ ლალიაშვილის, ნონა თოდუას არჩევის საკითხს.