გიორგი მარგველაშვილის განცხადებას პრეზიდენტის ინსტიტუტის დისკრედიტაციის საკითხზე, „რესპუბლიკური პარტიის“ ერთ-ერთი ლიდერი, ლევან ბერძენიშვილი არაკორექტულს უწოდებს.

დეპუტატის განცხადებით, სწორედ „რესპუბლიკური პარტია“ იცავდა პრეზიდენტის ინსტიტუტს:

“პრეზიდენტის განცხადებას “რესპუბლიკელებთან” დაკავშირებით უაღრესად არაკორექტულს ვუწოდებ, რადგან პრეზიდენტის ინსტიტუტს იცავდა “რესპუბილკური პარტია”. თუ ვინმე პრეზიდენტის გვერდით იდგა და ცდილობდა, რომ არ გარიყულიყო ქართული პოლიტიკიდან, ეს დავით უსუფაშვილი იყო. მისი განცხადებები უბრალოდ, ადამიანურად არასწორია, მაგრამ ასე თქვა და რა ვქნათ. ეს მის ნამუსზე იყოს”, - განაცხადა ლევან ბერძენიშვილმა.

შეგახსენებთ, რომ საქართველოს პრეზიდენტმა გუშინ გაკეთებულ განცხადებაში აღნიშნა, რომ „ქართულ ოცნებაში“ ერტადერთი ფიგურა, რომელსაც სახე არ შეუცვლია პრემიერი კვირიკაშვილია.