„ქართული ოცნების“ აღმასრულებელი მდივანი რამდენიმე პარტიას „ნაციონალური მოძრაობის“ სატელიტად მოიხსენიებს. ირაკლი კობახიძის განცხადებით, პოლიტიკური გაერთიანებების გარდა ყოფილი მმართველი ძალის ინტერესების გამტარებელია ასევე პაატა ბურჭულაძის „საქართველოს განვითარების ფონდიც“. მას არგუმენტად ოზურგეთში დაგეგმილი შუალედური არჩევნები მოჰყავს:

„ქალაქ ოზურგეთში ერთობლივად იქნა შერჩეული კანდიდატი, „ნაციონალური მოძრაობისა“ და ბურჭულაძის ფონდის მიერ, ეს არის დადასტურებული ფაქტი და ისინი ერთობლივად გეგმავენ და აწარმოებენ წინასაარჩევნო კამპანიას ამ კანდიდატის გასაყვანად. აშკარად იკვეთება პარტნიორობა ამ ორ სუბიექტს შორის. სატელიტობაა როცა ერთობლივ კანდიდატს შეარჩევ და ერთობლივ კამპანიას აწარმოებ. ნებისმიერი პარტნიორობა „ნაციონალურ მოძრაობასთან“ ძალიან მძიმე შეფასებას იმსახურებს“, - განაცხადა ირაკლი კობახიძემ.