საქართველოს პრემიერ-მინისტრი ვაზიანში მიმდინარე წვრთნას ესწრება, რომლის ფარგლებშიც მან ჟურნალისტებისთვის კომენტარი გააკეთა. კვირიკაშვილმა „რესპუბლიკური პარტიის“ წევრებს უპასუხა. მისი განცხადებით უახლოეს მომავალში სამთავრობო ცვლილებები არ იგეგმება:

„სამთავრობო ცვლილებები უახლოეს მომავალში არ იგეგმება. თუმცა ჩვენ შევდივართ წინასაარჩევნო პერიოდში და რა თქმა უნდა ცვლილებები გამორიცხული არ არის. მაგრამ უნდა ვთქვა ორი სიტყვა იმაზე, რომ მინისტრთა კაბინეტს ხელმძღვანელობს პრემიერმინისტრი და მას აქვს სრული ლეგიტიმური უფლება მინისტრთა კაბინეტის ამა თუ იმ წვერს მიუთითოს ამა თუ იმ განცხადების თაობაზე და ამ საკითხზე ატეხილი უაზრო ალიაქოთი არის უადგილო,“ - განაცხადა გიორგი კვირკაშვილმა.