,,აფხაზთა კრება“ აფხაზეთის კონსტიტუციაში ცვლილებების განხილვაზე მონაწილეობას გეგმავს

პოლიტიკა - 22:15, 10 May, 2016

1260

,,აფხაზეთის ა/რ კონსტიტუციაში ცვლილებების შეტანის შესახებ“ აფხაზეთის ა/რ კონსტიტუციური კანონის პროექტის საყოველთაო განხილვის ფარგლებში მორიგი შეხვედრა გაიმართება. განხილვაზე მისვლას გეგმავს ,,აფხაზთა კრება“, რომელმაც დღესპრეზიდენტის სასახლესთან დაგეგმილი ცვლილებები გააპროტესტა.

,,თბილისში განთავსებულმა აფხაზეთის უმაღლესმა საბჭომ გამოაქვეყნა ცვლილებების პროექტი აფხაზეთის ა/რ კონსტიტუციაში, რომლის მიხედვითაც სრულად უქმდება საქართველოს ხელისუფლების იურისდიქცია ამ ორგანოზე და შესაბამისად აფხაზეთზე. ისინი საქართველოს ხელისუფლებასთან გადადიან მხოლოდ საკონსულტაციო რეჟიმში. გარდა ამისა, გარდამავალი დებულებებით სამუდამოდ იკანონობენ 25 წლიან დეპუტატობას.

ისარგებლეს რა სადღესაწაულო დღეებით, დეპუტატებმა გადაწყვიტეს საზოგადოებისაგან ფარულად ჩაატარონ ამ პროექტის სახალხო განხილვის იმიტაცია საკუთარ თანამშრომლებში საქართველოს სხვადასხვა რეგიონში. ამ შეხვედრების შესახებ ინფორმაციის მიღებისთანავე ჩვენ ოფიციალურად გამოვითხოვეთ მათი გრაფიკი. სენაკში ვერ მივუსწარით, ქუთაისიდან გამოვაბუნძულეთ, ზუგდიდში ვერ გაბედეს. დარჩათ 11 მაისს 14.00 საათზე თბილისში ლიტერატურის ინსტიტუტში ე.წ. აფხაზეთის მეცნიერებათა აკადემიაში (მერაბ კოსტავას ქ.#5). აქაც საზოგადოებას არ ეპატიჟებიან, სურთ მოატყუონ მეცნიერები და მიიღონ მათი მხარდაჭერა.

აფხაზთა კრების ორგანიზაციები ვაპირებთ შეხვერდრაში მონაწილეობას და ყველა კანონიერი საშუალებებით ამ ბოროტმოქმედთა პარპაშის აღკვეთას“ - აცხადებენ აფხაზთა კრების საორგანიზაციო ჯგუფის წევრები.