უნისონში საუბრობდნენ პრეზიდენტის დისკრედიტაციაზე - მარგველაშვილის კრიტიკა ,,ოცნებას“ და ,,რესპუბლიკელებს“

პოლიტიკა - 21:20, 10 May, 2016

2557

საქართველოს პრეზიდენტი გიორგი მარგველაშვილი "რესპუბლიკურ პარტიასა" და "ქართულ ოცნებას" შორის არსებულ დაპირისპირებას გამოეხმაურა.

პრეზიდენტმა დაპირისპირებული მხარეები გააკრიტიკა.

"ჩემთვის ამ პოლიტიკურ ფიგურებს შორის ასეთი სერიოზული განსხვავებები არ არის იგივე პარტიების და ფრაქციების წარმომადგენლები უნისონში საუბრობდნენ პრეზიდენტის ინსტიტუტის შესუსტების თაობაზე. პრეზიდენტის მმართველობის დისკრედიტაციაზე, რომ პრეზიდენტის როლი მხოლოდ პანაშვიდებზე სიარულია, თურმე პრეზიდენტი, როცა პარლამენტს მოიწვევს არ უნდა დაუჯერო და ტელევიზიით უნდა უყურო მის გამოსვლას. იმიტომ, რომ თურმე დეპუტატი პარლამენტში არ უნდა მიდიოდეს პრეზიდენტის დაძახილზე. ის ეს არის ის გუნდი რომელიც ხშირად ჩემს ადგილს ვერ ხედავდა საქართველოს პარლამენტში. ეს არის ის გუნდი, ბატონი ”ქართული ოცნების” დეპუტატი და ”რესპუბიკური პარტიის” დეპუტატი უნისონში გმობდნენ პრეზიდენტის ვეტოს ეროვნულ ბანკთან მიმართებაში, რომელიც შემდეგ საკონსტიტუციო სასამართლომ გააჩერა. ეს არის ის პოლიტიკური გუნდი, რომელიც უნისონში ახერხებდა იმას, რომ პრეზიდენტს შესაბამისი კორესპოდენცია არ მიეღო უცხოეთიდან" - აღნიშნა პრეზიდენტმა ჟურნალისტის კითხვის საპასუხოდ.

მისი თქმით, მთელ ამ პოლიტიკურ ორწლიან პროცესში პოლიტიკური ფიგურა, რომელთანაც მან შეძლო ურთიერთობა და რომელიც არასადროს კარგავდა სახეს, ეს გიორგი კვირიკაშვილია.

" მთელ ამ პოლიტიკურ ორ წლიან პროცესში პოლიტიკური ფიგურა, რომელთანაც მე შევძელი ურთიერთობა და რომელთანაც შესაძლებელი იყო მანამდეც კონსტრუქციული დიალოგი, დღესაც შესაძლებელია და იმედია, რომ მომავალშიც ასე იქნება, ეს არის გიორგი კვირიკაშვილი"- დასძინა პრეზიდენტმა.