ნინო ჩარკვიანი პარტია ,,რეფორმატორებში" მიმდინარე ცვლილებებზე განმარტებას აკეთებს

პოლიტიკა - 19:25, 10 May, 2016

1923

პარტია "რეფორმატორების" აღმასრულებელი მდივანი ნინო ჩარკვიანი პარტიაში მიმდინარე ცვლილებებთან დაკავშირებით გავრცელებულ ინფორმაციას ეხმაურება და განმარტებას აკეთებს.

"მსურს გამოვეხმაურო საინფორმაციო სააგენტო “თაიმერის“ მიერ გავრცელებულ ინფორმაციას პარტია „რეფორმატორების“ დაშლასთან დაკავშირებით. პოლიტიკური გაერთიანება, როგორც ცოცხალი ორგანიზმი, მუდმივად საჭიროებს განახლებას და განვითარებას. შესაბამისად, პარტიაში გარდაუვალი ცვლილებების აუცილებლობის საკითხი დადგა, რამაც გადაწყვეტილების მიმღებ პირთა შორის აზრთა სხვადასხვაობა გამოიწვია. რებრენდინგი, რა თქმა უნდა არ ცვლის პარტიის გაცხადებულ პოლიტიკურ კურსს და იდეოლოგიას. „რეფორმატორები“ იყო და ყოველთვის დარჩება დასავლური და ევროპული ღირებულებების მატარებებელ პარტიად. უახლოეს დღეებში, გაიმართება პოლიტიკური საბჭოს სხდომა, რომელზეც რიგგარეშე ყრილობის ჩატარების საკითხი გადაწყდება. რაც შეეხება პარტიის 2016 წლის საპარლამენტო არჩევნებში დამოუკიდებლად თუ ბლოკის სახით მონაწილეობას, ცალსახად შემიძლია განვაცხადო, რომ „რეფორმატორებში“ გადაწყვეტილებების მიღება ერთპიროვნულად არ მოხდება და ეს საკითხი, პარტიის წესდების მიხედვით, გადაწყდება გაერთიანების პოლიტკური საბჭოს სხდომაზე. პოლიტიკური საბჭოს მიერ მიღებული გადაწყვეტილება საზოგადოებისთვის აუცილებლად გახდება ცნობილი"- განაცხადა ნინო ჩარკვიანმა.