საქართველოს უშიშროების საბჭოს მდივნის, ირინა იმერლიშვილის განცხადებით, წინასაარჩევნო კამპანიის დაწყების თარიღი უახლოეს მომავალში გახდება ცნობილი. მისივე თქმით, იგი ფლობს ინფორმაციას იმის შესახებ, რომ რამდენიმე დღის წინ მხარეების მონაწილეობით კონსულტაციები დაიგეგმა.

“ წინასაარჩევნო კამპანიის დაწყების თარიღი უახლოეს მომავალში გამოცხადდება, ინფორმაცია მაქვს, რომ საქართველოს პრეზიდენტმა პრემიერ-მინისტრი და პარლამენტის თავმჯდომარე კონსულტაციებისთვის მოიწვია და უახლოეს ხანებში ეს გადაწყვეტილება მიღებული იქნება,“ - განაცხადა იმერლიშვილმა.

შეგახსენებთ, რომ გუშინ პრეზიდენტის ადმინისტრაციის უფროსმა აღნიშნულ საკითხთან მიმართებით განცხადება გააკეთა. მისი თქმით, არჩევნების თარიღი არ შეიცვლება, წინასაარჩევნო კამპანიის დაწყების თარიღი კი უახლოეს მომავალში გაცხადდება.