რატომ არ მიულოცა პუტინმა საქართველოსა და უკრაინის ლიდერებს 9 მაისი

რატომ არ მიულოცა პუტინმა საქართველოსა და უკრაინის ლიდერებს 9 მაისი - კრემლი განმარტებას აკეთებს

პოლიტიკა - 14:21, 10 May, 2016

9097

ვლადიმერ პუტინმა უკრაინისა და საქართველოს ლიდერებს გამარჯვების დღე დიალოგის სათანადო დონის არარსებობის გამო არ მიულოცა, თუმცა ეს ამ ქვეყნის მოქალაქებს არ ეხებათ.

“რია ნოვოსტის” ცნობით , ამის შესახებ ჟურნალისტებს, რუსეთის პრეზიდენტის პრესმდივანმა, დიმიტრი პესოვმა განუცხადა.

„ჩვენს ორმხრივ ურთიერთობებში, რუსეთი არასოდეს ყოფილა ნეგატიური პროცესების ინიციატორი. რუსეთი ყოველთვის მხარს უჭერდა კეთილ ურთიერთობებს მეზობლებთან, ფაქტობრივად მოძმე ქვეყნებთან . თუმცა საქართველოს შემთხვევაში, თქვენ იცით ჩვენი ურთიერთობების კრიზისის წინამორბედი მოვლენები” - განაცხადა პესკოვმა.

„პრეზიდენტმა არაერთხელ განაცხადა, რომ სახელმწიფო დონეზე კრიზისული ურთერთობები არ აისახება კეთილ გრძნობებსა და ტრადიციებზე ჩვენთან ტრადიციულად დაახლოებული ერების მოსახლეობისადმი - ეს არის საქართველოს მოსახლეობაც, უკრაინის მოსახლეობაც და სხვა ქვეყნებისაც. ამიტომაც, პრეზიდენტის მილოცვა ხალხის მისამართით გაკეთდა” - დასძინა პესკოვმა.

გარდა ამისა, პუტინის პრესმდივანმა მოუწოდა ჟურნალისტებს, არ გამოიტანონ მცდარი დასკვნები მხოლოდ იმიტომ, რომ გამარჯვების დღისადმი მიძღვნილ აღლუმზე, პუტინს ფაშიზის წინააღმდეგ მებრძოლი მოკავშირეები არ უხსენებია,

„პრეზიდენტის წლევანდელი სიტყვა სხვა აქცენტებზე იყო ორიენტირებული“ - განაცხადა პესკოვმა.

შეგახსენებთ, ვლადიმერ პუტინმა, ფაშიზმზე გამარჯვების 71-ე წლისთავი, სხვა ქვეყნებისგან განსხვავებით, საქართველოსა და უკრაინის მოქალაქეებს მიულოცა და არა ხელისუფლების პირველ პირებს. კრემლის ვებგვერდზე გამოქვეყნებულ განცახდებაში ნათქვამი იყო, რომ “ვლადიმერ პუტინმა აზერბაიჯანის, სომხეთის, ბელარუსის, ყაზახეთის, ყირგიზეთის, მოლდოვის, ტაჯიკეთის, თურქმენეთის, უზბეკეთის, აფხაზეთისა და სამხრეთ ოსეთის ლიდერებს, ასევე საქართველოსა და უკრაინის მოქალაქეებს დიდ სამამულო ომში გამარჯვების 71-ე წლისთავი მიულოცა”.