,,ჩანაწერების 10% მაინც, რომელიც ჩემს ხელთ მოხვედრილა, ზაზა გაბედავას გამოგზავნილია მოსკოვიდან“

პოლიტიკა - 20:15, 09 May, 2016

2674

გიორგი გაბედავას ბრალდებებს დღეს ტვ ,,პირველის“ ეთერში უპასუხა ,,ქრონიკა+“-ოს რედაქტორმა. კილაძე ამბობს, რომ სამართალდამცავებს აქვთ დაზუსტებული ინფორმაცია, რომ გიორგი გაბედავა არის პირადი ცხოვრების ამსახველი ვიდეო ფირების ამტვირთავი.

,,ბატონ გიორგი დღეს პრესკონფერენციაზე უთქვამს ელისო კილაძე ჩანაწერების დედოფალიაო და მე მინდა მას , თქვენ და აუდიტორიას ვუთხრა , რომ ჩანაწერების 10% მაინც, რომელიც ჩემს ხელთ მოხვედრილა, მამამისის გამოგზავნილია მოსკოვიდან, მათ შორის ვლადიმერ ბედუკაძის, ვიქტორ ჭელიძის, ხომერიკის და ა.შ. მე ჩანაწერებით დაკავებული არ ვარ, ეს მოდის ჩემთან წყაროს მეშვეობით და ერთ-ერთი ჩემი ინფორმატორი და წყარო მათ შორის გახლდათ გიორგი გაბედავას მამა, ზაზა გაბედავა“ - განაცხადა ელისო კილაძემ.

კილაძე ამბობს, რომ პირველი ვიდეოს შესახებ მან არ იცის საიდან აიტვირთა, ხოლო რაც შეეხება დანარჩენ სამს, კილაძის ინფორმაციით, დადასტურებულია, რომ ისინი მოსკოვიდან აიტვირთა.

,,ვიცი, რომ ჩხრეკის შედეგად ნაპოვნია არა მხოლოდ გამოქვეყნებული არამედ სხვა პირადი ცხოვრების ამსახველი კადრებიც. ერთ-ერთი ფირი მოსკოვთან ახლოს მდებარე სამეცნიერო დაწესებულებიდან აიტვირთა“ - განაცხადა კილაძემ.

ჟურნალისტი ამბობს, რომ ოპერატიული თანამშრომლები მაშინ "გაიშიფრნენ", როდესაც ისინი "აეროპორტში დარბოდნენ " და გაბედავას წასვლის თარიღებს აზუსტებდნენ.