„თავისუფალი დემოკრატების“ ლიდერი ირაკლი ალასანია განცხადებით, საქართველომ რუსეთთან ოკუპაციის საკითხზე უნდა ილაპარაკოს და შეხვედრა საქართველოს საგარეო საქმეთა მინისტრ მიხეილ ჯანელიძესა და სერგეი ლავროვს შორის შეხვედრა კარგად უნდა დაიგეგმოს.

როგორც ალასანია აცხადებს - “აუცილებელია შეხვედრა კარგად დაიგეგმოს. რუსეთ-საქართველოს ურთიერთობებში დღის წესრის გაჩენაში ჩვენ უნდა მივიღოთ მონაწილეობა და უნდა ვილაპარაკოთ ძალიან მძიმე საკითხებზე, როგორიც არის ქვეყნის ოკუპაცია. ამის გარეშე ბუნებრივია, ქართულ-რუსული ურთიერთობების განვითარება წამოუდგენელია. სწორს ვაკეთებთ, რომ პრაგმატული ურთთიერთობა გვაქვს რუსეთთან, მაგრამ ეს არ არის სიახლე. სიახლე იქნება, როდესაც პოლიტიკურ დღის წესრიგში გაჩნდება ახალი საკითხი და ეს საკითხი უნდა იყოს ჩვენი ტერიტორიული მთლიანობის აღდგენის ფორმები და გზები“ - განაცხადა „თავისუფალი დემოკრატების“ ლიდერმა.