"ივანიშვილს ბოდიშის მოხდა მოუწევს"- ელისაშვილის პირველი კომენტარი დაკავების შემდეგ

პოლიტიკა - 16:15, 07 May, 2016

5874

ალეკო ელისაშვილმა „პანორამა თბილისის“ საპროტესტო აქციაზე დაკავების შემდეგ პირველი კომენტარი საქალაქო სასამართლოს შენობაში გააკეთა. თბილისის საკრებულოს დამოუკიდებელი დეპუტატის თქმით ის დედაქალაქის დასაცავად ბრძოლის შეწყვეტას არ აპირებს:

„კაცს რომელსაც გონია რომ საქართველო შეზღუდული პასუხისმგებლობის საზოგადოებაა და შეუძლია ქვეყანას თავზე დააჯდეს და ყველაფერი განკარგოს როგორც უნდა, ამ კაცს უნდა შევაგნებინოთ რომ ამ ქალაქში სხვებიც ვცხოვრობთ და არ შეიძლება მოქცევა როგორც ხუშტური გაქვს. შევაგნებინებთ და მე ყველაფერს გავაკეთებ იმისთვის, რომ ის ტერიტორია, რომელიც ეშმაკურად და მაქინაციებით ჩაიგდო ხელში დაუბრუნოს უკან ქალაქს. რამდენჯერაც არ უნდა დამიჭირონ მე ჩემსას გავაკეთებ, ქალაქს ეს ტერიტორია დაუბრუნდება და ივანიშვილს ბოდიშის მოხდა მოუწევს“- განაცხადა ალეკო ელისაშვილმა.

ალეკო ელისაშვილი და მასთან ერთად 4 პირი დღეს, "პანორამა თბილისის" მშენებლობის წინააღმდეგ გამართულ აქციაზე დააკავეს. მათი დაკავება მოხდა ადმინისტრაციულ სამართალდარღვევათა კოდექსის 166-ე მუხლით, რაც წვრილმან ხულიგნობას და ასევე 173-ე მუხლით, რაც ასევე პოლიციელისთვის წინააღმდეგობის გაწევას გულისხმობს.