ხმაური ქალაქის მერიაში, ადგილზე პოლიციის გამოძახება გახდა საჭირო

პოლიტიკა - 17:48, 06 May, 2016

4464

დაახლოებით ერთი საათის წინ, ქალაქ ოზურგეთის ადმინისტრაციულ შენობაში ქალბატონი შეიჭრა და მერიის თანამშრომლებს სიტყვიერი შეურაცხყოფა მიაყენა.
რაისა მარენი შენობიდან პოლიციის ძალით გაიყვანეს, რომელიც დაცვის თანამშრომლებმა გამოიძახეს. მრავალშვილიანი დედა ქალაქის მერისგან დახმარებას და საცხოვრებელი სახლის შეძენას ითხოვდა:" ქალბატონი ძალიან აღელვებული იყო, ის პირდაპირ სიტყვიერ შეურაცხყოფაზე გადმოვიდა, უშვერი სიტყვებით ილანძღებოდა ჩვენი მისამართით. გვთხოვდა შეგვეძინა მისთვის კერძო სახლი. დაცვის პოლიცია იძულებული გახდა გამოეძახათ საპატრულო და ქალბატონი შენობიდან გაეყვანათ- გვითხეს ქალაქის მერიაში.
როგორც ქალაქის მერი ამბობს, შესაძლოა ქალბატონი ვინმესგან იყო შეგულიანებული და მისი აგრესიაც აქედან მოდიოდა. მისივე განცხადებით ქალაქის მერია მუშაობს იმაზე, რომ შეუძინონ ქალბატობს კერძო საცხოვრებელი სახლი, პროტესტის ასეთი ფორმა პროცესის დაჩქარებას ხელს ვერ შეუწყობს: "ეს ქალბატონი შეყვანილი იყო უსახლკაროთა პროგრამაში, გამოვუყავით 3 ოთახიანი ბინა, რაზედაც უარი განაცხადა და არ შევიდა. უფრო დიდი ფართი ამ თავშესაფარში არ არსებობდა, ამის შემდეგ მოითხოვა, რომ შეგვეძინა კერძო სახლი. ვფიქრობთ, რომ არ დავტოვოთ ფართის გარეშე, ვეძებთ კერძო სახლს და თუ ეს ვერ ვიპოვეთ, მაშინ მე მგონი დავუმატოთ მეორე ბინას იგივე თავშესაფარში. ყველა ღონეს ვხმარობთ იმისთვის, რომ უყურადღებოდ არ დავტოვოთ. იცით, რომ ბოშაა, ნამდვილად არ გავასხვავებთ სხვა ბენეფიციარებისგან. რაც უფრო ხმამაღლა იყვირებს ფიქრობს, რომ უფრო ადრე დაეხმარებიან, მაგრამ ჩვენ ყვირილის არ გვეშინია, თუმცა ვფიქრობ, რომ ეს ქალბატონი ვინმემ შეაგულიანა და მისი აგრესიაც სწორედ აქედან მოდიოდა _"გვითხრა ქალაქის მერმა.
ქალბატონი, რომელიც მერიის შენობაში შეიჭრა, მრავალშვილიანი დედაა, მას 8 შვილი ჰყავს. მერიაში გვეუბნებიან, ის გეგმიურ დახმარებასაც იღებს და გარკვეული შეღავათებიც აქვს, რასაც ზოგადად სოციალური პროგრამები ითვალისწინებს.
შსს-ს პრესსამსახურში გვეუბნებიან, რომ პოლიცია ადგილზე გამოძახებული იყო იმისთვის, რომ ქალბატონი შენობიდან გამოეყვანათ. ის არც დაკითხვაზე წაუყვანიათ და არც დაკავებული არ არის: ქალბატონი პოლიციამ განარიდა შემთხვევის ადგილს და მიიყვანესს მის საცხოვრებელ მისამართზე "-გვითხრეს პრესსამსახურში.