„ნაციონალური მოძრაობის“ ყოფილი წევრი გიორგი ვაშაძე დღეს ახალგაზრდებთან შეხვედრებს პარლამენტში, მისი ყოფილი თანაგუნდელის აკაკი ბობოხიძის კაბინეტში მართავდა. ამ ფაქტთან დაკავშირებით ვაშაძემ განაცხადა, რომ მის მიერ კაბინეტის გამოყენებასთან დაკავშირებით თავად აკაკი ბობოხიძე ინფორმირებული არ იყო და ამის გამო ვაშაძემ ყოფილ თანაგუნდელს ბოდიში მოუხადა:

„თავისუფალი იყო ეს ოთახი და შემოვედი, ბოდიშს ვიხდი ამის გამო. მეხუთე სართულზეა ჩემი ოთახი. იქ ავალთ, იქ გავაგრძელებთ შეხვედრას, აკაკი ბობოხიძე ამის შესახებ ნამდვილად არ არის ინფორმირებული. ვიცი ამაზე ამბავი ატყდება. ეს ფრაქციის ოთახი იყო და უბრალოდ ინსტინქტურად შემოვედი“- განაცხადა ვაშაძემ.