სიღნაღის რაიონის ქალაქ წნორში მეორე დღეა 58 წლის ელიზა გელაშვილს ეძებენ. იგი გუშინ იმ დროს გაუჩინარდა, როცა სამსახურიდან სახლში ბრუნდებოდა და ტრანსპორტს ელოდებოდა.

ელზა გელაშვილის ოჯახი ძარცვისა და ძალადობის ვერსიას არ გამორიცხავს, რადგან მათ სოფლის განაპირა ტერიტორიაზე დაკარგული ქალის ფეხსაცმელს მიაგნეს.

როგორც გელაშვილების ოჯახის ახლობელი აცხადებს- “ელიზა სახლში საღამოს რომ აღარ დაბრუნდა, ძებნა ჩვენი ძალებით დავიწყეთ და წნორის პოლიციასაც შევატყობინეთ. დღეს დილით კი, სოფლის მიმდებარე ტერიტორიაზე ოჯახის წევრებმა მისი ფეხსაცმელი იპოვეს“-განაცხადა მარინე შაიშმელაშვილი.

მომხდართან დაკავშირებით უკვე აღძრულია სისხლის სამართლის საქმე.