პრეზიდენტის ადმინისტრაციაში ამ წუთებში იწყება შეხვედრა ადმინისტრაციის წარმომადგენლებსა და ოპოზიციურ სპექტრს შორის, შეხვედრის დაწყებამდე მედიასთან კომენტარი გააკეთა პრეზიდენტის მრჩეველმა ფიქრია ჩიხრაძემ.

მისი თქმით საუბარი უმეტეს წილად შეეხება საარჩევნო სისტემის ცვლილებას:

„საუბარი შეეხება საარჩევნო სისტემის ცვილების ნაწილს, ჩვენ აქ პირველად ვუჭერდით მხარს საკონსტიტუციო ცვლილებებს, რადგან არსებობდა კონსესუსი ამ საკითხთან დაკავშირებით, სამწუხაროდ მთელმა ამ ძალისხმევამ შედეგი ვერ გამოიღო, წინა კვირას პირადად ვესწრებოდი პარლამენტში ამ საკითხის განხილვას და დამრჩა შთაბეჭდილება, რომ რეალურ შედეგს არ უნდა ველოდოთ. რადგან ოპოზიციაში არსებობს ალტერნატივა, რომელსაც ისინი მმართველ გუნდს სთავაზობენ გერმანული მოდელის სახით, ძალიან საინტერესოა განვიხილოთ ეს საკითხები, მოისინჯოს შესაძლებლობა თუ არსებობს რაიმე შანში, მივიღოთ უკეთესი საარჩევნო სისტემა, ვიდრე დღეს გვაქვს, ეს შანსი ბოლომდე უნდა იყოს გამოყენებული“, - განაცხადა ფიქრია ჩიხრაძემ.