"ბატონმა ვაშაძემ მთაწმინდაზე "გირჩის" გვერდზე დაიდოს ბინა"- ცაგარეიშვილი ენმ-დან ვაშაძის წასვლაზე

პოლიტიკა - 14:49, 05 May, 2016

3115

გიორგი ვაშაძის მიერ „ერთიანი ნაციონალური მოძრაობის“ დატოვებას „თავისუფალი დემოკრატების“ წევრი გიორგი ცაგარეიშვილი გამოეხმაურა. ცაგარეიშვილის თქმით საქართველოს მომავალი თბილისში ახალი პოლიტიკური ძალების მიერ უნდა გადაწყდეს და არა ოდესაში „ავაზაკების მიერ“. ამასთანავე ცაგარეიშვილი ვაშაძეს ურჩევს ახალ პოლიტიკურ ცენტრ „გირჩთან“ ახლოს დაიდოს ბინა:

„იმას, რომ ბატონი ბაქრაძე ფასადია, ის, რომ იქ არის ჩრდილოვანი კაბინეტური მმართველობა, ამას მიხვდა ბატონი ვაშაძე 10 წლის თავზე და 4 წლის ბოლოს. ყველა შფოთავს, დარბის ფარულად და ღიად ოდესაში მამა მარჩენალ არქიფოსთან და იქ აგვარებენ საკითხებს კულუარულად, იქ აგვარებენ მათ შორის საქართველოს მომავალსაც. მოვიდა ის დრო, რომ საქართველოს მომავალი გადაწყდეს აქ, თბილისში, არა ავაზაკების მიერ, რომელიც ხალხი რბევისა და ხოცვით იყო დაკავებული, ვაშაძის ხელმძღვანელობით, კუბლაშვილების და სხვების ხელმძღვანელობით, არამედ ახალი პოლიტიკური ძალებით. ბატონი ვაშაძე ოფისისთვის თუ რაიმე ფართს მოიძიებს, ზემოთ, მთაწმინდაზე "გირჩის"გვერდზე არის რაღაც ფართები, იქვე დაიდონ ბინა“, - განაცხადა გიორგი ცაგარეიშვილმა.