წინასაარჩევნო კამპანიის დაწყების თარიღთან დაკავშირებით პრეზიდენტსა და პრემიერ-მინისტრს შორის კონსულტაციები მიმდინარეობს. ამის შესახებ განცხადებას, პრეზიდენტის მრჩეველი, ფიქრია ჩიხრაძე აკეთებს:

ჩიხრაძის თქმით, დღეს ამ თემაზე პრეზიდენტის ადმინისტრაციაში პოლიტიკურ პარტიებთანაც ისაუბრებენ. მისი თქმით შეხვედრაზე ყველა აქტუალური საკითხი იქნება განხილული, მათ შორის ამომრჩეველთა სიები და საარჩევნო სისტემა.

„საუბარი შეეხება საარჩევნო მოლაპარაკებების თემას, რომლის ძირითადი და საკვანძო საკითხი იყო საარჩევნო სისტემის გარშემო მოლაპარაკება, რომელიც დროში ვეღარ ესწრება, მაგრამ სათადარიგო ვერსია აღმოაჩნდათ პოლიტიკურ პარტიებს, ამის თაობაზე იქნება საუბარი. რამდენად აქვთ ერთობლივი და შეჯერებული პოზიცია. იქნება საუბარი იმ პრობლემებზე, რომლებმაც ახლახანს იჩინა თავი, საარჩევნო სიების თემას, როცა ორი სახელმწიფო უწყება სხვადასხვა ტიპის მონაცემებს აქვეყნებს. თარიღი შესათანხმებელია პრემიერსა და პრეზიდენტს შორის“, - განაცხადა ჩიხრაძემ „კურიერთან“ საუბრისას.